الأحد، ديسمبر 14، 2008

ألا يكفيك ... قلبي



مزقت ملابسها الثمينة ... وإرتدت ثوب حدادها ... البالي من أثر السنين ... نظرت في المرآه على وجهها الشاحب ... الخالي من أدنى مظاهرالحياة ... إنهمرت دموعها ... أغرقتها ... أزاحتها بيدها عن وجهها في كبرياء ... طير ذبيح .

إتخذت قرارها سريعاً ... فلم تعد تحتمل البقاء ... ركضت إلى الطريق المظلم ... طريقهما القديم ... حافية القدمين ... كانت تعلم أنه هناك ... وكانت تريد فقط ... أن تراه ... أرادت أن يعلم ... أنها لم تعد خائفة ... من الطريق المظلم ... لم تعد تبالي بمخاوفها ... لم تعد ترى أمامها سواه ... إنهمرت دموعها الساخنة مرة أخرى ... أحرقت وجهها ... وفي قسوة ... صفعها الهواء البارد ... على وجهها ... وبعثر شعرها ... المنسدل في غير إنتظام ... واصلت ركضها بالطريق المظلم ... تطاردها ذكريات ... إبتعادها عنه ... وجرحها له ... ولكنها ... كانت تتـألم مثله وأكثر ... وسريعاً ما عادت إليه ... لم تحتمل قرارها ... بالإبتعاد عنه ... عادت بعد أن ذبحت كل مخاوفها على أعتابه ... وكم كان سعيداً بعودتها ... ولكن ؟؟؟ ... سرعان مازالت سعادته ... وأبدلها بخوف ورعب ... من أن تبتعد عنه مرة أخرى ... أقسمت له أنها ... لم تعد إلا بعد هزيمتها لكل مخاوفها ... وعودتها له بلا رجوع ... فلم يصدقها ... فقد تذكر معاناته في بعدها ... عاد إليه إحساسه بأنها ... من كسرت قلبه ... وجعلته يعاني ... إنهمرت دموعها ... كانت فقط ... تريد أن يصدقها ... لم يرحم ضعفها ... وإنكسارها أمامه ... ذكرته بأنها من كانت حبيبته ... من كان يسمعها عذب الكلمات ... من كان يراقصها تحت المطر ... أخبرته بأن من يملك الحب يملك الغفران ... قطع حديثها بنظرة خاوية من عينيه ... وتركها وإبتعد ... تذكرت كل ذلك ... وهي مازالت تركض ...
وفجأه ؟؟؟ ... توقفت ... فقد ظهر أمامها ... تسمرت في مكانها ... وقفت ترمقه ... ووقف يرمقها ... توقف الزمن للحظات ... وعيناه هذه المره ... يملؤهما الحب والإشتياق ... ولكن شوقها له ... كان يفوق كل مشاعر البشر ... عدا نحوها ... وعدت نحوه ... دفنت رأسها بين أحضانه ... إحتضنته بشده ... بكل لهفتها وإشتياقها إليه ... وفي غفلة منه ... أخرجت من بين ملابسها ... سكيناً ... وبدون أدنى إحساس منها بالألم ... مزقت ضلوعها ... وإنتزعت قلبها ... وأمسكته بيدها ... لم يشعر إلا وهي ... تتهاوى بين يديه ... نظرت إليه وهي تحتضر ... قدمت له قلبها ... وقالت له ... هل يكفيك ذلك ... لتصدق بأنني لن أبتعد عنك ثانية ... إنظر داخله ... فلم ولن يسكنه بشر سواك ... ثم إبتسمت والحياة تفارقها ... فقد كان وجهه ... آخر ما رأت عينيها .

هناك 92 تعليقًا:

فارس القمر يقول...

التعليق الاول

تيرااارااااا

هقرا وارجع انطق رائى

(وش مبتسم اابو سنان بيضا ههههههه)

princess يقول...

ايه الدموية دى:))
بس انا عارفة انه رمز للتضحية والحب فى زمن معدش فيه الكلام ده
اللى بيحب بيسامح:)

فارس القمر يقول...

يااااااااااااااة

ازاى الحب مؤلم بالطريقه زى والندم

عليه والفراق وكل دا بنجرح وبنتنازل

وبنرجع تانى نحب

احاسيسك فى القصه ندم البطله وفراق

حبيبها كم اشتاقت اليه

واقل ماقدمت بين يديه قلبها

طيب ليه تفارقوا وتجرحوا وبعدين تندم

بين ايديه

قد كدا الحب مؤلم

قد يكفى انها اتت اليه ليصدقها

ولم تقدم له قلبها هكذا قد جرحته

مرتين مرة الفراق ومرة موتها بين يديه

لاثبات ندمها وحبها له

قد تاثرت كثيرا بكلماتك سيدتى

دمتى بخير وانار قلمك دنياكى

وتقبلى مرورى

فارس

Kiara يقول...

طبعا عارفه رايي ياقمر من غير مااقوله انا بس رديت عندك عشان انتي اكتر من اختي وبالتالي حتي لو سيبت التدوين كان لازم اقولك انك بجد ابدعتييييييييييييي

blue-wave يقول...

لم الألم سيدتى؟
لم يقطر الألم دوما من بين سطورك؟

أكون أو لا أكون يقول...

لماذا كل هذه التضحيه... هل فعلا يستحقها...؟

صباح الصباح يقول...

ارى ان بداخلك حزن كبير هو ما دفعك لهذا البوست

ارجو ان تكونى بخير

romansy يقول...

ماذا يقول ذلك الحبيب بعد ما قدمته له حبيبته
قدمت قلبها
هل يوجد فى هذا الزمان من يقدم قلبه لمحبوبه
ولكن قد فعلتها تلك الحبيبه
فما اجمل الحب
وما ابشع الاحساس بالظلم
وبانك تسببت فى قتل مشاعر غيرك

سارة نجاتى يقول...

نيجار هانم

ايه جو الموسيقى اللى ماشى مع الصورة و الألوان , ايه الصورة دى ؟؟ حلوة أوى جايباها منين ؟ تحسى لما تشوفيها بأنها مخيفة بس فى نفس الوقت عاوزة تمشى فى الطريق ده , بجد معبرة .
و القصة لغتها عجبتنى و كانت منطقية و حقيقية أوى لحد ما قبل النهاية, لما مزقت ضلوعها , يمكن عشان أنا مش رومانسية زيك مش قادرة أستوعب النهاية دى , يعنى لو أنا ممكن ممكن أقوله " ان شاالله عنك ما صدقت " هههههههههه
سلام يا جميلة

mohamed ghalia يقول...

كلماتك رائعة كالعادة يا نيجار
سعدت بقرائتها كثيرا
سلم لكى قلمك
دمتى بحفظ الله

فشكووول يقول...

العزيزه نيجار (بنت القاضى)
كدا يا نيجار وانا كنت مستنى النهايه السعيد بعد الاحاسيس الهايله دى تزعلينى والاقى النهايه دى .. انا قاعد زعلان ومهموم عشان البت الجميله والواد المكلوم .. اشكرك يا بنتى على زيارتك لى وارجوا دوام التواصل .. عمك فشكول

mahasen saber يقول...

نيجار انا تخيلت مشهد من فيلم رومانسى قدامى البرد والحبيبه والحبيب والعذاب والحب والموت يتوجهما سويا

رائعه
المنى قوى احساسها بحبه اليى دفعها لانها تموت نفسها وتفنى روحها لاثبات حقيقه ماه عنيه الضريره مش قادره تقراها

القصه جميله وحزينه وناعمه

وايه الموهبه دى

mahasen saber يقول...

بس قوليلى ايه العنصريه اليى عندك دى اشكعنى تموتيها هيا

ما كنتى تموتيه هو

وبعدين شوفتى الرجاله بتعمل ايه فى الستات اهه ده نوع من انواع الايذاء النفسى كان هيخسر ايه لو سامحها

مهى اكيد ياما سامحته

نفرتارى يقول...

اكثر من رائعة .. لو قلت لك انى بكيت هل تصدقينى .. بجد ابكتنى وفكلمات ذو اثر عالى جداً فى كل قلب ذو مشاعر وحس رفيع .. فأنا اكتب هذا التعليق ولم تجف دموعى .......
واتمنى لك المزيد من الابداع .

كوكب تانى
نفرتارى

Ahmed Mohamed يقول...

اقول لحضرتك ايه بس
رااائعه جدا رغم ان النهايه مؤلمه نظرا لكم الاشتياق الذي يملئ قلبها
كان اخر من رأته ولاكن لن تراه ثانية

تحياتي والبوست هايل وعودا حميدا

رندا يقول...

ماذا انتــِ فاعلة بى بالله عليك قول لى
قلبى لم يحتمل نهائيكـِ
احياناً نحمل بين قلوبنا اطنان من الظروفـ التى تحوم حولناونرجع الى انفسنا ونقفـ مرة اخرى لماذا فى نهاية كلماتكـِ اخذتـ جزء آخر وفضلتـ الموتـ لا الموتـ للضعفاء فقط
فاذا كانتـ رجعتـ الية نادمه هل تتصور انه لا يحمل التغيير بين قلبه بعد ان اعطاها قلبة حتى لو رجعتـ فى قرارها فكان لابد وان يمنح لنفسة قرار حتى لو على حسابـ قلبه
فهل تعلمى انه ضحى بقلبه ايضاً
فاى رجل يريد ان يكمل مع امراهـ قوية وظل ينظر قوتها التى حملتها له مذ البدء ولكن ضعفتـ ورجعتـ وكأن المد والجذر من عواملها الطبيعية وخافـ ان تكون حياته هكذا دائماً
ورجع وفضلتـ ان تنتحر بين يديه
غافلة ايضاً قلبه
فمااصعب قلبين اعتصر قلبهم دون ان يعلم الاخر بماذا ضحى

لا احتمل ان اكمل كلماتى فخنجر اصاب قلبى وبدء يقطر دمعاً على تلكـ النهايه

دمتى جوة قلبى بقوهـ لا تبعدى عنة

prince4ever يقول...

سلام عليكم يا نيجار
كل سنه وانتي طيبه
احييكي بشده على القصه او الخاطره الجميله جدا دي
بجد احساس في منتهى الرقي
و حتى ولو كانت حزينه اوي في نهياتها بس بتحمل معنى إخلاص خيالي بس في منتهى الروعه و التأثير
حاجه جميله بجد احييكي عليها يا نيجار
دمت بخير

عمرو يقول...

ليه كتاباتك كلها حزينه كده ؟؟
ده أنتى شابه يعنى و فى أجمل سن اللى هو سن التفاؤل و الأمل و التفتح على الحياه
عموما تحياتى و اٍن شاء الله نقرا قريب حاجه تدعو شويه لشىء من الأمل

Beram ElMasry يقول...

ابنتى . نيجار
اسعد الله اوقاتك بكل الخير
قرات القصة ولى فيها رؤية
beram.elmasry@yahoo.com
هذا ايميلىارسلى ان اردت ايميلك لانى سانقد اعمالك خارج المدونة افضل

رئيس التحرير يقول...

السلام عليكم ورحمه الله...
أمثالنا ...من وصل بهم قطار العمر الي هذه المحطه..لا يتذوقون الرومانسيه والحب الحالم والمشاعر ...بنفس طريقه من هم في بدايه المشوار ...ولذلك لن تعجبهم آرائنا ...هذا هو الفارق بين الأجيال..
نحتفظ برأينا لنفسنا ...ويارب يهنيكم بشبابكم ...بس اتقوا ربنا.
اشكرك علي زيارتك وتعليقك الطيب ...شكرا لك ولك كل الود والتقدير؛؛؛

Rzalp يقول...

اتفق معك فيما كتبت
الحب عذاب والم وتضحة وفراق
وجروح لا تشفى ابدا
كلماتك جميلة جدا
خالص تحياتى

*^*AL.7aAzZeEnN*^* يقول...

السلام عليكم

اول زياره ليا للمدونه الجميله دي

بوست جميل اووووي و قد ايه الحب مأساه و مؤلم


و اتمني لك المزيد من التفوق و النجاح

و اتمني زيارتك الي مدونتي المتواضعه

Lady Hands يقول...

ماأجمل لحظات الحب ولقاء الحبيب..
والأصعب...فقد الحبيب!
وماالحب أختي الغالية نيجار إلا نزع حقيقي للقلب من بين الأضلع ولا يعود مكانه الطبيعي لو تم إعادته.
مبدعة دائماً أتمنى لك مزيد من التألق.
Lady Hands.

مهرة سالم يقول...

نيجار العزيزه...
كلماتك برغم قسوتها ونهايتها المفجعه..
إلا أنها تأخذنا في عالم من عوالم الحب الغريب...
جوله ممزوجه بجمال الكلمات وقسوتها..
.......
دمتي بخير..

قلم رصاص يقول...

الاخت العزيزة/نيجار

قصه في غاية الجمال
التعبرات رائعه جدا جدا
والكلمات في غاية الجمال

التضحية شيئ رائع مادام الهدف نبيل
لكن ليست الى هذا الحد ، فالنهاية أفزعتني
وكنت أتمناها طبيعية وسعيدة

تقبلي رأيي ومروري مع التحية

"عبير النجار "نيجار يقول...

فارس القمر
بتشرفني دايماً بزيارتك
وسعيده إنك أول تعليق

"عبير النجار "نيجار يقول...

princess
أختي الغاليه ،
منوراني دايماً
ليه بس دمويه زي ما قولتي رمز للتضحيه ومفيش واحد يستحق ان واحده تموت كافره علشانه ،
والكائن الخرافي اللي إسمه الحب إنقرض من زمان ،
وزي ما قلتي اللي يحب يسامح >>>> بس ده اللي يحب
تحياتي ليكي .

"عبير النجار "نيجار يقول...

فارس القمر
معلش بقى زعلتك بعد ما كنت بتضحك بس هيا القصه كده يمكن الحياه في مجملها كده شد وجذب ، فراق و لقاء ،حياه وموت معاني متضاده جداوكتير جدا بس بتحصل ،
يمكن الحبيبه لما بعدت من الاول كانت بتضحي علشان حبيبها يمكن كانت شايفه ان سعادته في بعدها عنه،
ورجوعها في النهايه وقرارها انها تموت بين ايديه كان لانها بالفعل ماتت يوم ما قررت تسيبه وخاصة انها كانت عارفه انها لو بعدت مستحيل هيرجعلها ،
معلش بقى يا فارس المخرج عايز كده :)
تحياتي ليك

"عبير النجار "نيجار يقول...

مولان
كيارتي الغاليه
فرحانه بجد بتعليقك وفرحانه أكتر انك سمعتي كلام اللي بيحبوكي ورجعتي بس بذمتك التدوين ينفع من غير كيارتي
وأكيد احنا أكتر من الاخوات ،
سلام يا حبيبتي

"عبير النجار "نيجار يقول...

د.عمرو فاروق
من كثرة الالام أصبحت أعشق الألم
حقاً لا أستطيع الحياه بدونه.

"عبير النجار "نيجار يقول...

أكون أو لا أكون
ربما هي ضحت من أجله عندما تركته في اول الامر وضحت بحياتها من أجله في النهايه،
ولكن بماذا ضحى هو ؟
بكل تأكيد لا يستحق .

"عبير النجار "نيجار يقول...

صباح الصباح
حتى لو مفيش جوايا حزن دايما بحب اعيش نفسي في الحاله دي .
ناس نكديه بعيد عنك :)
والحمد لله انا بخير
شكرا ليك

"عبير النجار "نيجار يقول...

رومانسي
تخيل هيقول ايه ؟
موتها مش كفايه أو هيقول يله خدت الشر وراحت ومش هيضيع وقته هيدور على بديله علشان ما يبقاش عنده فراغ من بعدها لانه من الاساس ماكنش بيحبها عارف اللي يحب يسامح ،
أما هي فكانت بتحبه بجد وكان موتها الحقيقى يوم ما سابته ،
تحياتي ليك أخي العزيز

"عبير النجار "نيجار يقول...

ساره نجاتي
بجد فرحانه الميوزك والصوره والجو بتاع البوست عجبوكي والصوره يا ستي من جوجل
وفعلا انا كان عندي نفس احساسك خوف من الطريق ده بس عايزه امشي فيه ،
وفعلا من قبل ما اشوف الصوره وكنت بحلم اني بمشي في الطريق ده واسترغبت اول ما شفت الصوره في جوجل ونزلتها من فتره شفتي الحكايه بالتفصيل يا نينه هههههههه مش انا عماد حمدي ولا نسيتي ،
و على فكره انا ساعات ببقى رومانسيه جدا وساعات ببقى مش رومانسيه خالص ،
بس عجبتيني في انشالله عنك ماصدقت يا ريتها كانت قعدت معاكي قبل ما تنتحر المسكينه هههههههههههه
سلام يا حبيبتي

"عبير النجار "نيجار يقول...

محمد غاليه
منورني دايما
وميرسي بجد على كلامك
تحياتي ليك

"عبير النجار "نيجار يقول...

عمو فشكول
حقك عليا يا عمو والله ده احنا نغيرها النهايه ما دام زعلتك ،
بس بجد انا فرحانه بوجود حضرتك وبتشرفني دايماً بزيارتك وانا اللي اتمنى التواصل مع حضرتك،
تحياتي لحضرتك يا عمو

"عبير النجار "نيجار يقول...

سنسنتي
أي خدمه بيتهيالي اليوم ده كان جرعة رومانسيه نكديه مكثفه الاغنيه اللي سمعتهالك والقصه النكد بتاعتي ،
فرحانه بجد ان القصه عجبتك
بس موهبة ايه ده انا على قد حالي

"عبير النجار "نيجار يقول...

سنسنتي
والله ما عنصريه يا سنسنتي بس اصل الست دايما اللي بتضحي كانت هتبقى مش منطقيه نوهائي لو موته هو ، هو في راجل يموت نفسه علشان واحده استحاله طبعا،
بس يسامحها ازاي ده ما صدق خلص منها وحتى لو كان بيحبها هو في حاجه اسمها إن حد يسامح حد في الزمن ده،
والله ضحكتيني وانا مليش نفس اضحك
سلام يا حبيبتي

"عبير النجار "نيجار يقول...

نفرتاري
شرفتيني ونورتيني بزيارتك
وانتي اللي أكتر من رائعه ، بس بجدانا زعلانه اني بكيتك بقصتي في اول زياره ليكي عندي ووالله اسفه بجد ،
وشكرا على كلامك الكتير قوي عليا ،
إنتي اللي انسانه حساسه وجميله جدا
أتمنى دوام التواصل معاكي
تحياتي ليكي اختى

الازهرى يقول...

الاخت الرقيقة نيجار

كلماتك رائعة للغاية وحساسة وتحوى الكثير من التضحية والعطاء

ليتنى لم أقرأ
كلماتك الرقيقة نكأت على الجرح القديم فأنسابت له دموع أقهرها منذ زمن طويل
ليتها تعود ولن يكون هناك عتاب من أى نوع
ليتنى أراها وألقى ولو نظرة واحدة إليها

تحياتى وخالص مودتى

فشكووول يقول...

النهارده يوم اللف العالمى على المدونات وجيت عشان ازور واسلم واحييك .. تحياتى

"عبير النجار "نيجار يقول...

أحمد علام
منورني يا أحمد بجد
ومعلش عارفه انك زعلان من النهايه دي
بس مفيش أسمى من التضحيه ، التضحيه بكل أنواعها في سبيل من نحب طبعا مش هدفي من القصه التضحيه بالروح لان الروح مش ملكنا ملك ربنا .
وانت بتقول انها مش هتشوفه تاني ، بس هي دي الدنيا ، مين اللي هيفضل للأبد مع اللي بيحبهم مسيرنا ودي الحقيقه للفراق مهما طالت المده في النهايه هنمشي،

تحياتي ليك

"عبير النجار "نيجار يقول...

رندا ملكه الاحساس
صديقتي حقاً أنا لا أفعل شيئاً :)
وسلم لي قلبك من كل سوء ،
*بالتأكيد نعاني دوماً من الظروف التي تحني ظهورنا وبكل تأكيد نجتازها ونقف من جديد ، ولكن ما معنى الحياه بدون من نحبهم ؟
حقاً جحيم كمن تعلق بين الموت والحياه لآلاف السنين ،احتضار وموت بطئ، آلام فوق احتمال البشر ، لم يكن ضعفاً بل هو قوه ان تضعي حداً لآلام تقتلك في اليوم آلاف المرات أن تقدمي قلبك الشهيد قرباناً لمن تحبين ،لا ليس ضعفاً ان تمزقي ضلوعك وتقطعي شرايينك واوردتك وتنتزعين قلبك وبيديك بدون ادني احساس منك بالألم بدون صراخ بدون دمعه من عينيك ومن دون أنين تعلمين لماذا ؟
لأن الحياه فارقت يوم الرحيل ،
بالله عليكي ما معنى الجسد بلا روح بلا قلب بلا نبض جسد نعم يتحرك ولكنه متجمد أزرق فصوله كلها شتاء قارص ،
صدقيني أبداً لم تكن ضعيفه .
* وأبداً لم تعد نادمه فقد إبتعدت لانها تحبه إبتعدت في أولى تضحياتها من أجله كانت تظن ان سعادته في بعدها و لانها لم تحتمل الفراق عادت وهي في رجاءها الأخير لعوده الروح لها عادت اليه وهي تتوسل ان يعيد اليها الحياه التي فارقتها حياتها المتجسده فيه ، ثم تقولين التغيير في قلبه إذا لم يكن يحب تقولين قدم لها قلبه وهل بعد المنح أخذ ؟
تهبين ثم تعودين في هبتك ؟
في أي شرع هذا لو عاني مثلها لكان الغفران اليه اقرب كان سيلتمس منها الحياه أيضاً ، لماذا لم يحاول إعادتها اليه تقولين ضحى بقلبه لا عزيزتي بل ضحى بها ،
* أي رجل يريد إمراه قويه؟
وهل أحبها لانها قويه أم أحبها لانه فقط أحبها ، كانت دوماً قويه وابدا لم يكن المد والجزر من عواملها الطبيعيه لم تكن أمواجاً بل كانت غريقه تصارع الأمواج العاتيه لتصل فقط الى شطآنه كانت تريد ان يمد يده و يجذبها لشاطئه ولكنه وقف يشاهدها ... وهي تغرق ،
*ورجع وفضلتـ ان تنتحر بين يديه
غافلة ايضاً قلبه
أبداً لم يرجع بل هي من عادت للمره الثانيه عادت حطام إمرأه فارقتها الحياه عادت موقنه بعدم غفرانه عادت فقط لتمنحه قلبها الشاهد الوحيد على حبها عادت بجسدها الخالي من الحياه فقط لتمنحه أخر نبض والذي إستبقته أسيراً فقط لهذا اللقاء ولتلقى عليه نظرةالوداع،
عزيزتي لم تنتحر لم تنتحر ولم تفضل شئ فقد كانت ميته بالفعل وما عادت تصلح له او لغيره ،وأيضاً لم تغفل قلبه إن كانت في بعده فقدت حياتها ماذا فقد هو بماذا ضحى وما الذي قدمه لها او لحبها ... لا شئ
لم يعتصر الالم غير قلبها لم يضحى إلا هي
ولم يتجرع مرار الحب والفراق الا هي ،
حقاً لم يكن يكفيه قلبها .
رندا أعتذر فدوما ما أسترسل في كلماتي معك ولا أعلم من أين تأتي الكلمات ،
دمتى صديقتي وفي قلبي للأبد :)

"عبير النجار "نيجار يقول...

prince4ever
أخويا الغالي
كل سنه وانت بألف خير
وبجد بفرح جدا بزيارتك ،
وشكرا بجد على كلامك ،
وفعلاً القصه كان فيها إخلاص متناهي
للأسف صعب تلاقيه غير في الخيال ،
تحياتي ليك

مـجـنـووون يقول...

بجد أسلوب أكثر من رائع وكلمات معبرة جدا وبجد أخدتني لجو تاني خالص جو مليان حب ووفاء وأخلاص

في ناس من كتر الخياتة والعذاب الي شفوه لو لقوا حد بيقولهم كلام حلو وبيحاول يتقرب منهم ويقولهم أنه غير الناس التانيه وأنه بيحبهم ويتمني يقضي العمر معاهم مش بيصدقوا وبيخافوا يقربوا ويمكن مش مصدقين الشخص الي قدامهم علشان مشفوش منه غير الجيراح والالم

************

النهاية مأسوية مش علشان طلعت قلبها لأن المعني مش كده خالص ولكن علشان منحت لواحد قلبها وهو مش حاسس بيها ولا بحبها ولا يثق فيها ولا في كلامها ودي أكبر صدمه ممكن الواحد ينصدم بيها من الشخص الذي وهبة قلبه وعمره

تقبلي مروري سيدتي الجميلة
مجنووون

احساس لسه حى يقول...

عزيزتى

الحب الحقيقى فيه كمية من التسامح والغفران بين الاحبة كبيرة اولى

ومهما يحصل بين المحبيين اكيد ممكن يتداوى

الا الخيانه بتكسر شئ حلو بينهم

واظن الموت فى حضن الحبيب

مش اجمل من الحياه عامة

والحبيب اللى يخلينى معرفش قيمة الحياه

يبقى حبيب ميستهلش انى اكمل معاه الحياه

تحياتى

سلام

"عبير النجار "نيجار يقول...

عمرو
أولاً شرفتني ونورتني بزيارتك الاولى لمدونتي المتواضعه،
ومعلش بقى على حالة الحزن اللي انا عملاها دي وان شاء الله قريب هنزل حاجه متفائله شويه ،
تحياتي لحضرتك

"عبير النجار "نيجار يقول...

أستاذي بيرم المصري
دائما منورني بزيارتك ،
وأسعدك الله أوقاتك بكل خير،
وأشكرك من كل قلبي لدعوتك الكريمة ،
فانت صاحب مدرسة وانا احترم مدرستك جداً ، ولكني حتى الان لم أتعلم اضافه الايميل و ثقافتي في الإنترنت عامة مازالت محدوده للغايه كما انني لا أخجل من الاراء النقديه وخاصه ممن أعتبره مثل والدي فمرحبا باي نقد و سأتقبله بصدر رحب وحتى يكون درس مستفاد لي ولغيري من إخواني المدونين ،
مره أخري أشكر حضرتك على اهتمامك
وتحياتي لحضرتك .

"عبير النجار "نيجار يقول...

سيدي /رئيس التحرير
وعليكم السلام ورحمة الله وبركاته،
شرفتني ونورتني بزيارتك ،
اذا حضرتك فعلاً من الصعيد هتعرف ان مش بس اللي في سن حضرتك اللي النظره للحب والرومانسيه مختلفه احنا اتربينا على ان ما فيش حاجه اسمها حب اساسا وانها كلمه خارجه حتى اننا ما كناش نقدر نقولها على الملا ولا حتى في سرنا تعرف بالفصل التام بين الاناث والذكور في كافه مراحل الحياه حتى بكلياتنا بالصعيد فهناك ينقسم المدرج لقسمين قسم للإناث وقسم للذكور وكنا نعتبر من تتحدث لزميل حتى ولو في الدراسه بانها موبوءه فنبتعد عنها ونتجنبها حتى بعد عملي ايضاً لا يوجد غير التحفظ الشديد في التعامل بيتهيالي حضرتك عارف كده كويس و وشكرا لحضرتك على النصيحة و ربنا يعينا على اتقاؤه ،
وبالعكس حضرتك تقول رأيك براحتك وللتوضيح بس قصتي بالطبع خياليه وبرمز فيها للاخلاص والتضحيه مش ان واحده تنتحر وتموت كافره علشان اي انسان ايا ما كان ،
تحياتي وكل التقدير لحضرتك

**sad smile** يقول...

السلام عليكم

أول زيارة ومش هتكون الأخيرة أن شاء الله

مدونة رقيقة ومميزة جدا

والأستايل بتاعها جميل جدا

أما البوووست كلماته مؤثرة جدا ومؤلمة ولكنها ذهبية

تحياتي لكي

دمتي بخير ومحبة دائمه

"عبير النجار "نيجار يقول...

Rzalp
بجد شرفتني ونورتني بزيارتك
وشكراً بجد على كلامك
وانك متفق معايا،
تحياتي ليك

"عبير النجار "نيجار يقول...

تيتو الحبيب
شرفتني ونورتني بزيارتك
واول زياره ويارب ما تكونش الاخيره
وشكرا بجد على كلامك الجميل
واكيد ليا الشرف اني ازور مدونتك في اقرب وقت ان شاء الله
تحياتي ليك

"عبير النجار "نيجار يقول...

Lady Hands
أختي الغاليه
زيارتك بجد بتسعدني دايماً
وعندك حق في كل كلامك
وشكرا ليكي وانتي
اللي مبدعه دايماًُ
تحياتي ليكي

"عبير النجار "نيجار يقول...

M.K
أختي الغاليه
شرفتيني ونورتيني بزيارتك
وشكرا على كلامك
وتحياتي ليكي دايماً

"عبير النجار "نيجار يقول...

قلم رصاص
أولا شرفتني ونورتني بزيارتك
وشكرا بجد ليك
واسفه على النهايه المفزعه
بتاعتي بس مش كل النهايات
بتبقى سعيده بالعكس نادر جدا
القصص الواقعيه اللي نهايتها سعيده
ويمكن نهاية قصتي كانت رمز للتضحيه
ومعاني تانيه كتير ،
تحياتي ليك اخي

"عبير النجار "نيجار يقول...

الازهرى
أخويا الغالي
بجد انا اسفه جدا على اللي
سببتهولك قصتي ولو كنت اعرف
ما كنتش كتبتها من الاساس
وبجد ما تزعلش على اللي فات
وبجد لو كانت صادقه في حبها ليك
كانت رجعت ،
وبحييك على قلبك الكبير والتسامح
والعفو النادر في الزمن ده الموجود عندك بجد ما تخيلتش ان في راجل ممكن يسامح ،
بعتذرلك مره تانيه واسفه على اللي سببتهولك ،
تحياتي ليك

"عبير النجار "نيجار يقول...

عمو فشكول
وانا بقول المدونه منوره
بجد شكراً يا عمو انك افتكرتني
في الجوله بتاعتك ،
تحياتي لحضرتك

"عبير النجار "نيجار يقول...

مجنون
أخويا الغالي
أولا بشكرك انك افتكرتني وانا غايبه
في البوست اللي كنت منزله ،
ومش ناوي تفتح المدونه ولا ايه ،
وبجد شكراً على كلامك الحلو
وعندك حق في كلامك ،
عارف هي كانت عارفه كويس انه مش بيحبها زي ما بتحبه وما كانش مهم عندها ده لانها حبته بجد مهما كان ماكانتش هتقدر تكرهه ومهما عمل وبرضه
حبت تديله درس التضحيه تكون ازاي الحب ممكن يوصل لدرجه ايه كانت صادقه معاه لحد النهايه ادتله كل حاجه وما اخدتش ولا حاجه وما كانتش عايزه منه حاجه غير انها تحبه وانه يكون اخر حاجه تشوفها ،
يمكن هي رمزيه قوي ،
بجد نورتني يا مجنون ويارب تفتح مدونتك قريب ،
تحياتي ليك

"عبير النجار "نيجار يقول...

احساس لسه حى
شرفتني ونورتني بزيارتك
وفعلا عندك حق في كل
كلمه قلتها بس بجد
الزمن ده صعب قوي فيه
ان حد يسامح حد
ومفيش حد يستاهل التضحيه
دي كلها.
تحياتي ليك

"عبير النجار "نيجار يقول...

very sad
وعليكم السلام ورحمة الله وبركاته
بجد شرفتيني ونورتيني بزيارتك
الاولى لمدونتي المتواضعة،
ويشرفني انك تكوني من زوراي ،
وبشكرك على كلامك الجميل وسعيده
ان المدونه عجبتك وان البوست عجبك
واتمني التواصل دايماً معاكي
تحياتي ليكي اختي الغاليه.

صدى الصمت - عاشقة الورد - يقول...

الحقيقة أنا أول مرة أدخل وأقرأ فى مدونتك ووجدت كلمات رائعة وعطرة ومشاعر مرهفة وحساسة وإنسانة رقيقة
تحياتى وأتمنى لك التوفيق

"عبير النجار "نيجار يقول...

صدي الصمت
شرفتيني ونورتيني بزيارتك ،
وتعليقك أسعدني ،
وشكراً ليكي بجد على كلامك
وأتمنى دوام التواصل معاكي
تحياتي ليكي

الازهرى يقول...

الاخت الرقيقة نيجار

اسف لما قد اكون سببته لك من ذعر
ولكن لم اكن اقصد
فكلماتك اثارت فى شجونا كبيرا واهاجت بداخلى الذكريات
ولكنها ذكريات جميلة وان كنت اكتمها بداخلى لاعيش

ولم يكن هناك من شىء سىء تعتذرين عليه
والدليل انه بمجرد عودتى جئت لأقرأها ثانية
وصدقينى عندما يكون الفراق رغما عن الجميع تكون السلوى

تحياتى لك ولكتاباتك الجميلة الحساسة

فشكووول يقول...

الغاليه نيجار .. مررت عليك اليوم .. فتقبلى مرورى
كل عام وانت بخير بمناسبة السنه الهجريه اعاده الله عليك وعلى اهلك بالخير واليمن والبركات

myoopie يقول...

Hello,thanks for your visit


يرجى زيارة ثانية اللحم....

Happy new year...

م/ الحسيني لزومي يقول...

غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com

الملاك الحزين يقول...

السلام عليكم
كل سنه وانتي طيب
و يارب يجعل السنه الجديده خير علينا كلنا
أول مرة أدخل وأقرأ فى مدونتك ووجدت كلمات رائعة ومشاعر مرهفة وحساسة وإنسانة رقيقة
تحياتى وأتمنى لك التوفيق

هاني سعيد يقول...

فعلا من يملك الحب يملك الغفران لكن تفتكرى الغفران دا بيبقى له حدود؟

الحكمة ضالة المؤمن يقول...

ان مشاعر الحب اجمل ما يسمو به الانسان يخطر للمحب ما لايخطرلغيره فيقدم قلبه وعينه لمن يحب فلو نزعت العين من المحب فلن تجد الا صورة المحبوب فهوا يراه في كل مكان و في كل الوجوه و احيانن يغمض العين لايراه وحده الحب اجمل ما في الوجود متى متى ما وجد المحبوب
و ان كنتي تحبين فالله يعينك على ما ابتليتي به
وان كنتي مجرد شاعره فقد ابدعتي
يا بنت القاضي الحب ليس كائن خرافي موجود والله موجود وناس كثير شافوه

princess يقول...

هاى يا نيجار
انتىفين يا بنتى بقالك كتير اوى مش باينة
كل سنة وانتى طيبة
وان شاء الله السنة دى تكون احسن عليكى وعلى اللى بتحبيهم:)

moory-mero يقول...

السلام عليكم ورحمة الله وبركاته

موث عالفه اقولك ايه يا نيجار القصه مؤثرة جدا ومؤلمة بس عن نفسي في الحب بالذات الصفح عندي صعب جدا

موش بحب اثلا يحصل في الحب جرح حتى لو اي من الاطراف ندم لكن برده في جرح وشرخ حصل وده صعب نسيانه

بجد القصة مؤثرة جدااا

تسلم ايدك يا كميلة

في رعاية الله

موناليزا يقول...

كل سنة وانتى طيبة وعقبال 110 سنة
========
ممكن تشيلى تاكيد الكلمة حين ارسال التعليق

الازهرى يقول...

كل سنة وانت طيبة ورقيقة وجميلة واخت وصديقة
دمت بكل الخير والصدق والسعادة والهناء
وعقبال مائة سنة تقضينا جميعا فىفرح وسرور
ويحقق الله تعالى كا امانيك

"عبير النجار "نيجار يقول...

الأزهري
أخويا الغالي
بتتأسف عن إيه بس ،
إحنا اخوات ولازم نتأثر ونتألم لألم بعض
بس بتقراها ليه تاني ما بلاش أحسن :)
بجد ربنا يكرمك ،
ومنورني دايماً بتواجدك
تحياتي ليك

"عبير النجار "نيجار يقول...

عمو فشكول
والله ده كان واجب عليا انا اللي أجيلك
كلك ذوق يا عمو والله الواحد بيتكسف من حضرتك دايماً
وكل سنه وحضرتك طيب وبخير
تحياتي

"عبير النجار "نيجار يقول...

myoopie
hello iam very happy for your second visit to my blog and
sure i will visit your blog again
Happy new year

"عبير النجار "نيجار يقول...

م/ الحسيني لزومي
حقاً أحييك على مجهوداتك الرائعة دوماً
وجعلها الله في ميزان حسناتك ،
حقاً أتألم كثيراً لما يحدث بغزه ويعلم الله معاناتي النفيسه بسبب ما يحدث
وفقنا الله واياك لما يحبه ويرضاه
تحياتي

حروف يقول...

كل سنة وانتي طيبة عرفت ان عيد ميلادك من عند كيارا بوست رائعوتعابير جميلةكداوقصة مؤثرةجدا جدا اول زيارة ومبسوطةبمدونتك جدا

"عبير النجار "نيجار يقول...

الملاك الحزين
شرفتيني ونورتيني بزيارتك الاولى لمدونتي
وتعليقك اسعدني جداً،
وميرسي على كلامك الجميل
واتمني التواصل معاكي دايماً
كل سنه وانتي طيبه
تحياتي ليكي أختى الغاليه

"عبير النجار "نيجار يقول...

هاني سعيد
من يملك الحب يملك الغفران
على قد الحب بيكون الغفران ومثال على كده حب الام لابنها شوف غفرانها ليه مهما عمل تفتكر ليه حدود (طبعاً الغفران المطلق الى مالا نهايه لله عز وجل فربنا هو الغفور بس أنا بتكلم بالنسبه للبشر)وفي قصه مش عارفه اذا كنت تعرفها ولا لأ هيا في ابيات شعريه بتقول :أغرى امرؤ يوما غلاما جاهلا.... بنقوده كيما ينال به الوطر

قال ائتني بفؤاد أمك يا فتى .... ولك الدراهم والجواهر والدرر

فمضى وأغرز خنجرا في صدرها... والقلب أخرجه وعاد على الاثر

لكنه من فرط سرعته هوى .... فتدحرج القلب المعفر اذ عفر

ناداه قلب الام وهو معفر ... ولدي حبيبي هل أصابك من ضرر ......إلخ
وده ابلغ حاجه ممكن تتقال عن الغفران وحدوده ماشي دي ام بس حدود الغفران في قلبها قد ايه ؟ طبعا ما تتوصفش لان مقدار الحب لابنها كان اكبر بكتير من اي شئ ،
ومادام في مشاعر انسانيه كده ما تستبعدش تلاقي واحده بتحب جوزها او حبيبها كده واكتر للدرجه اللي تخليها تغفر بدون حدود بس بالنسبه للرجال تفتكر في ، في قاموسكم حاجه اسمها غفران مهما كانت ضآلة الخطأ ،
أنا من وجهة نظري المتواضعه مفيش .
بجد سؤالك هو محور البوست كله بحييك عليه ،
ومنورني دايماً
تحياتي ليك

"عبير النجار "نيجار يقول...

الحكمة ضالة المؤمن
كلامك دايماً رائع أخي الغالي ،
وعندك حق في كل كلامك لان اللي بيحب بيدي بلا حدود ومش بيستنى مقابل لعطاءه ،
وإعتبر كلماتي المتواضعه مجرد احاسيس مترتبه على قصص كتير من حواليا وناس بجد مستعدين للتضحيه بكل شئ علشان اللي بيحبوهم ،
وعارفه ان الحب موجود بس للأسف نادر جدا تلاقيه ،

تحياتي ليك

"عبير النجار "نيجار يقول...

princess
منوراني يا قمر
انا اديني اهه موجوده
بس انتي عارفه البيات الشتوي بقى
كل سنه وانتي بالف صحه وسلام أختي الغاليه
تحياتي ليكي

"عبير النجار "نيجار يقول...

mero-moory
منوراني بجد
بصي يا ستي لو بتحبي بجد هتسامحي
وخاصة اذا كان الجرح زي ما انتي مسمياه جرح سطحي وكمان انا مقتنعه بجد بان اللي بيملك الحب يملك الغفران وبيبقى كريم قوي في غفرانه ،
الحاجه الوحيده اللي مبحبش فيها الغفران الخيانه لان اللي يخون مره يخون ميه ،
تحياتي ليكي اختى الغاليه
اه صحيح انا فاكره المصاصه بتاعتك انتي وكيارا وهجيبهالكم دليفري لحد البيت .

"عبير النجار "نيجار يقول...

موناليزا
نورتيني وشرفتيني بجد
وميرسي ليكي بجد
بس كتير قوي 110
بس انتي كريمه وانا استاهل
على فكره انا هسال بتتشال ازاي تأكيد الكلمه لاني مش عارفه بجد تتشال ازاي .
تحياتي ليكي

"عبير النجار "نيجار يقول...

الأزهري
أخويا الغالي
والله ما عارفه اقولك ايه
بجد ذوقك ده كتير عليا قوي
وانا مقصره معاك جامد ،
شكرا ليك بجد وميرسي على كلامك الجميل
تحياتي ليك .

"عبير النجار "نيجار يقول...

حروف (دلو مرة ثانية وجرح ثاني سابقا)
نورتيني وشرفتيني بزيارتك
وشكرا ليكي بجد وفرحانه ان المدونه عجبتك ، شفتي بقى كيارا عملتلي فرح مش عيد ميلاد ربنا يخليهالي يارب وعقبال ما افرح بيها قريب بإذن الله ،
وتحياتي ليكي اختي الغاليه

حروف يقول...

يارب افرح بيكي وبيها يارب وكل سنةوانتي طيبة النة اللي جاية ان شاء الله اعمللك عيد ميلادك يارب واشوفك عروسة انتي وكيارا

أمير البلانكو يقول...

نيجار

ازيك


ايه الحزن والالم دا كله مش ممكن يكون في حب بالالم دا كله بجد بطله القصه دي مش هاأقدر عنها غير انها رائعه فوق الوصف

وانتي كمان يا نيجار الاحساس بتاع كلماتك عالي أوي وصل قمه الحزن والالم وصل لدرجه الموت

جميله اوي كلماتك يا نيجار

تحياتي ليكي

"عبير النجار "نيجار يقول...

حروف (دلو مرة ثانية وجرح ثاني سابقا)
أختي الغاليه والله مش عارفه اقولك ايه على ذوقك وكلامك الجميل ،
ويا رب أنا اللي أفرح بيكي وأشوفك عروسه قريب ،
بجد نورتيني وشرفتيني بزيارتك وان شاء الله نتواصل دايماً ،
تحياتي ليكي

"عبير النجار "نيجار يقول...

أمير البلانكو
أخويا الغالي
شرفتني ونورتني بجد بزيارتك ،
وميرسي على إحساسك بكلماتي المتواضعه ،
يمكن انت حسيت ان البطله رائعه وفعلاً هي وصلت لكده من شدة إحساسها بالألم على قد الالم بتكون التضحيه ، على قد الالم بيكون الاجتهاد للخروج من دائرته في حكمه أنا مؤمنه بيها من صغري بتقول :
(( لا يجعلك عظيماً غير ألمِ عظيم ))
دور على كل العظماء و على كل قصص الحب المخلده هتلاقي أبطلها إتألموا وإتعذبوا كتير وعلشان كده بقوا عظماء وإتخلدت أسمائهم ،

بجداسعدني تواجدك
تحياتي ليك

فشكووول يقول...

على فكره .. فى سرك يعنى وما تقوليش لحد
ما فيش حد يستاهل اللى عملته البت دى حد يعمل كده .. وهو حيعيش حياته وحيحب تانى ويتحب .. خايف اقول بنت عبيطه
تحياتى

Unknown يقول...

كلام عنيف بس هادئ
10/10 وإلى الأمام دائما