إمبارح كان آخر يوم في عامي 26

أولاً بشكر كيارا أختى الغاليه على العيد ميلاد الرهيب اللي عملتهولي ، ربنا يخليهالي يا رب وتفضل صداقتنا دائماً عنوان للحب في الله وربنا يقدرني وأرد لها في يوم ربع اللي عملتهولي وربنا يكرمها ويوفقها وأشوفها عروسه قريب مع الانسان اللي يقدرها ويحبها ويراعي ربنا فيها ،

مش عارفه يمكن أنا ما بحبش أكبر ونفسي أرجع طفله تاني ، بحس ان كل سنه بتعدي بتنقص من عمري ، وبحس بيها أكتر لما بتمر السنه من غير ما أعمل فيها حاجه ترضيني لدنياي وآخرتي ويارب السنه دي تكون أحسن من اللي قبلها وربنا يرضى عني فيها ويقدرني فيها على حسن عبادته ويوفقني للي يحبه ويرضاه .